देशप्रेमाला उधान आणू !!!

लागलाय ऑगस्ट चला तयारी करूया ,

पंधरा ऑगस्ट ला देशप्रेमाचे उधान आणूया ,

फडकवू झेंडे , फिरू गल्लो गल्ली 

घोषणा करत फिरू बाईकच्या संगी ,

आता आपले देश प्रेम दाखवूनच देऊ ,

एका दिवसात जितके होईल तितके नारे लाऊ !

फुटाळा तलावावर बाईक परेड काढू ,

नवनवीन स्टंट करून मुलींना रिझवू ,

एका तरी मुलीला जरूर पटवू ,

आता आपले देश प्रेम दाखवूनच देऊ ,

एका दिवसात जितके होईल तितके नारे लाऊ !

सोळा ऑगस्ट ला परत आपापल्या कामात गुंतू ,

काहीही हो देशाचे आपल्याला काय करायचे ?

आपण पंधरा ऑगस्ट अन सव्वीस जानेवारीलाच सारे प्रेम दाखवू .
एका दिवसात जितके होईल तितके नारे लाऊ !

मग कोणी गरीब भुकेने मेला तर मरु दे ,

आपण आपल्या दोन वेळेच्या जेवणाचा विचार करू ,

एका दिवसात जितके होईल तितके नारे लाऊ !

भ्रष्ट्राचाराला विरोध करायचा ठेका ,

घेतलाय ना रामदेवबाबा अन आण्णा हजारेंनी ,

मग आपण कशाला ह्यात उगाच वेळ घालवू ,

मिळतील तेव्हढे पैसे टेबलाखालून घेऊन घेऊ .

एका दिवसात जितके होईल तितके नारे लाऊ !

उगीच कशाला करावी उठाठेव , 

आपण आपले जीवन शांततेत घालवू ,

अन मुलांनाही हीच शिकवण देऊ ,

आता आपले देश प्रेम दाखवूनच देऊ ,

एका दिवसात जितके होईल तितके नारे लाऊ !!!!!!

कवयित्री - अर्चना सोनाग्रे