कुणीतरी असावं आपलं आपलंस वाटणारं

कुणीतरी असावं आपलं आपलंस वाटणारं ,

रक्ताचं नातं नसलं तरी ,

आपल्याला खूप खूप जपणारं ,

कुणीतरी असावं आपलं आपलंस वाटणारं ,

आपले सारे लाड कोड पुरवणारं ,

आपल्या प्रत्येक आवडीला स्वताची आवड समजणारं ,

कुणीतरी असावं आपलं आपलंस वाटणारं ,

ज्याचे विश्व आपल्या शिवाय अधुरं असेल ,

आपण भेटताच त्याला पूर्णत्व लाभेल .

कुणीतरी असावं आपलं आपलंस वाटणारं ,

आपल्याला मनापासून आवडणारं ,

खूप खूप मधाळ अन थोडंसं कडवट असणारं ,

कुणीतरी असावं आपलं आपलंस वाटणारं ,

आपला सर्वांगानं  स्वीकार करणारा ,

आपले दोष जाणूनही आपल्यावर प्रेम करणारं ,

कुणीतरी असावं आपलं आपलंस वाटणारं ,

जो आपली प्रत्येक साद ऐकत असेल ,

सादेतील अर्थानेच तिची तीव्रता जाणणारा 

कुणीतरी असावं आपलं आपलंस वाटणारं ....

कवयित्री  - अर्चना सोनाग्रे