मन चंचल चंचल

 मन चंचल चंचल त्याला नाही काही कल ,

मन असे उडे वाऱ्यावरी , जशी भर्ती येई सागरी 

मनाला बांधु कितीही पाशात ,

लोखंडाच्या साखळ्यात ,

तरी ते वाहून जाई भावनांच्या प्रवाहात .

 मन चंचल चंचल त्याला नाही काही कल 

मनाला नाही कशाचे सुतक ,

मनाला नाही कशाचेच भान ,

विरह असतो त्याला फक्त त्याच्याच मनाचा ,

ना कळे कुणाचा धावा करी सतत ,

 मन चंचल चंचल त्याला नाही काही कल 

उन्हाळा , पावसाळा वा असो हिवाळा ,

त्यास नाही काही कर्तव्य ,

त्याचे न कुणी सगे सोयरे ,

ते फिरते उनाड ,

कधी या फुलावर , कधी वसे त्या पानावर ,

असे हे चंचल , कधी देईल धोका 

न सांगता येईल ?

 मन चंचल चंचल त्याला नाही काही कल ....................

कवयित्री - अर्चना सोनाग्रे