काही प्रश्न

मृगजळ इतके प्रिय का असते ?

हवी असलेली व्यक्ती अल्पायुषी का असते ?

प्रेमाचे क्षण इतके लहान का वाटतात ?

दुखाचे क्षण इतके मोठे का वाटतात ?

साधेपणाची कुणाला कदर का नसते ?

माणसाचे शहाणपण टिकाऊ का नसते ?

मूर्खपणाचा झरा सतत वाहत का असतो ?

चतुरपणाचा बोलबाला का असतो ?

प्रत्येक गोष्ट मिळवण्याच्या आधी इतकी प्रिय का असते ?

अन तीच मिळवल्यावर तिचे मोल कमी का वाटते ?

श्वास चालू तरी शरीर निर्जीव का वाटते ?

सारे ठीक असून , मरण इतके जवळ का वाटते ?

मला पडलेल्या प्रश्नांना कधीच उत्तर का नसते ?

अन मिळाले तरी ते अधुरेच का वाटते ?

कवयित्री - अर्चना सोनाग्रे